Խաղ 1 (Բնության պահպանումը )
Սեղանին դասավորված են քարտեր,որոնց վրա պատկերված են տարբեր իրավիճակներ ՝ բնության հետ լավ կամ վատ վարվելու : Հետո դաստիարակը սկսում է կարդալ իրավիճակները ՝ տեղի ունեցող բնության մեջ : Երեխաները պետք է պատասխանեն կարելի է այդպես անել թե ոչ և ընտրեն ճիշտ քարտը :
Իրավիճակների օրինակներ ՝
1.Բնության մեջ չի կարելի ոչինչ հենց այնպես կոտրել կամ ճղել :
2.Հոգատար վերաբերվել ծառերին և թփերին :
3.Չի կարելի վառել կրակ :
4.Հատապտուղներ և մրգեր հավաքելիս չվնասել ծառերը և թփերը :
5.Չաղտոտել գետերը,լճերը,չնետել այնտեղ քարեր կամ աղբ :
Խաղ 2 (Լինում է թե չի լինում կամ այո թե ոչ)
Դաստիարակը կարդում է իրավիճակներ,որոնք տեղի են ունենում տարվա տարբեր եղանակներին,իսկ երեխաները պետք է պատասխանեն լինում է թե ոչ :
Իրավիճակներ ձմռանը ՝
1 .Գալիս են սառնամանիքները
2.Երկիրը ծածկվում է ձյունով
3.Թռչունները վերադառնում են տաք երկրներից
4.Գետերը սառում են
Իրավիճակներ գարնանը ՝
1.Գարնանը մենք պատրաստում ենք ձնեմարդ
2. Գարնան հետ գալիս են նաև տաք եղանակները
3.Գարնանային տաքությունից հալվում է ձյունը
4.Գարնանը ձնծաղիկներ են դուրս գալիս
Իրավիճակներ ամռանը ՝
1.Ամռանը լինում են ամենաշոգ օրերը
2.Արջերը քուն են մտնում ամռանը
3.Օրը դառնում է ավելի երկար
4.Ամռանը ծառերի տերևները կանաչում են
Իրավիճակներ աշնանը ՝
1.Աշնանը արևը լուսավորում է ավելի քիչ և համարյա չի տաքացնում
2.Հաճախ են գալիս անձրևներ և ճանապարհներին ջրափոսեր են
3.Չվող թռչունները հեռանում են տաք երկրներ
4.Տերևները դեղնում են,կարմրում են և սկսում են թափվել
Խաղ 3 (Արև)
Պատրաստել քարտեր որոնք կպարունակեն 6-8 բաժիններ,յուրաքանչյուր քարտի կենտրոնում լինի հիմնական նշանը ,որը կարտացոլի կենդանու բնակության միջավայրի նշանը (օրինակ ՝ ջրի կաթիլ,ամպ կամ ծառ) : Նշանը թույլ կտա երեխային հասկանալ թե կենդանին որ միջավայրին է պատկանում : Այնուհետև գունավոր ամրակների միջոցով երեխան որոշում է թե կենդանիներից որն է պատկանում տվյալ միջավայրին, որը ՝ ոչ : Յուրաքանչյուր ամրակ ունի տվյալ միջավայրի գույնը (օրինակ ՝ կապույտը ՝ ջուր , կանաչը ՝ անտառ ) : Այսպիսով ՝ խաղի վերջում շրջանի տեսք ունեցող քարտը նմանվում է արևի :
Խաղ 4 (Ինչ է ձեռքիս)
Երեխաները կանգնում են շրջանով ՝ ձեռքերը մեջքի ետևում : Դաստիարակը երեխաների ձեռքերի մեջ դնում է տարբեր մրգերի կրկնօրինակներ : Հետո ցույց է տալիս մրգերից մեկը : Այն երեխաները ովքեր կռահել են,որ իրենց ձեռքին կա այդ նույն մրգից ,դաստիարակի ասելուց հետո վազում են իր մոտ : Չի կարելի նայել թե ինչ կա ձեռքի մեջ,պետք է գուշակել շոշափելու միջոցով :
Խաղ 5 (Հրաշք պարկ )
Քարտերի վրա նկարում ենք մեղր,ընկույզ,պանիր,խնձոր,գազար,բանան և այլն :Երեխաները հանում են պարկի միջից կենդանիների համար ուտելիքը և որոշում,թե որ կենդանին է այն ավելի շատ նախընտրում :