Նախագծի անվանումը՝ «Համբարձման ծես»
Անցկացման վայրը՝ Քոլեջ-պարտեզ
Մասնակիցներ՝ սաներ, դաստիարակներ, ընտանեկան պարտեզներ, ծնողական համայնք, այլք
Անցկացման օրը՝ մայիսի 14, ժամը 11:00-12:00
Նպատակ և խնդիրներ
- ծանոթանալ ազգային ծեսերին ու տոներին,
- ծեսը վերականգնել, նոր կյանք տալ
- ծեսի կենդանի, իրական կյանքով ուսուցում,
- երեխայի` ծեսերի, ավանդույթների յուրացման կարողությունների ձեռքբերում,
- ուսումնական նյութերի յուրացում` խաղով, երգով, պարով,
- սանի, ծնողի` ծեսին անմիջական մասնակից ու տարածող դարձնելու կարողությունների ձևավորում:
- սոցիալական ակտիվ միջավայրի, հավաքանու ձևավորում և զարգացում,
- համագործակցային գործունեության, իրար աջակցելու կուլտուրայի ձևավորվում
- սաների դիտողականության ու ուշադրության զարգացում,
բառապաշարի հարստացում, - ստեղծագործական երևակայության զարգացում,
- հաղորդակցվելու, համագործակցելու ունակությունների զարգացում:
Համբարձման ծեսն ունի երեք հիմնական գործողություն` ծաղկահավաք, գովք, վիճակ:
Ծիսական գործողություն «Ծաղկահավաք»
Չորեքշաբթի ծաղկահավաքի օրն է, կարելի է կատարել դաշտում, ինչպես նաև նախակրթարանի բակում, որտեղ կան ծաղիկներ: Քանի որ ծաղիկները տարածվում են սերմերի, ինչպես նաև արմատների միջոցով, սաները պետք է իմանան, որ արմատով չի կարելի պոկել, յուրաքանչյուրը հավաքելու է ընդամենը հինգ ծաղիկ: Վիճակի սափորի մեջ գցում են 7 տարբեր տեսակի ծաղիկներ, 7 քար, 7 տարբեր ծառերից մեկական տերև, 7 բուռ ջուր: Ջուրը հավաքում են՝ ա. նախակրթարանի խմբերի ջրի ծորակներից, բ. շրջակայքում գտնվող ցայտաղբյուրներից, գ. եթե հնարավոր է, կարելի է մտնել մոտակա շենքի 7 բնակարան և յուրաքանչյուր տնից խնդրել մեկ բուռ ջուր: Հավաքած ծաղիկներով պատրաստում են փոքր փնջեր և ծաղկեպսակ: Սափորը, ծաղկեփնջերն ու ծաղկեպսակը կարելի է թողնել նախակրթարանի ներքին բակում: Համբարձման չորեքշաբթի, լույս հինգշաբթի գիշերը համարվում էր խորհրդավոր ու զարմանալի գուշակությունների, հրաշալիքների ու կախարդանքների գիշեր: Գիշերը փարչն անպայման պիտի մնար դրսում, բաց երկնքի տակ` «աստղունք», Համբարձման հրաշալի, կախարդական գիշերվա զորավոր հմայքին ենթարկվելու և առավոտյան ցողով օծվելու համար:
Համբարձման ծիսական գործողություն«Վիճակ»
Անհրաժեշտ պարագաներ.
- «Ծաղկամայր» (ծիսական տիկնիկ),
- ծաղկեպսակներ,
- վիճակի սափոր,
- ծղոտից զամբյուղ` մրգերով և այլ հյուրասիրություններով:
(Մարինե Մկրտչյանի բլոգից)
Ծիսակատարությունը տեղի կունենա քոլեջի ներքին բակում։
Ծրագրում`
Քոլեջի նախակրթարանի 2-4 տարեկանները, դաստիարակները, երաժշտության մասնագետը և բոլոր ներկաները միասնական կհավաքվեն քոլեջի ներքին բակում և կսկսի ծիսակատարություն- վիճակահանությունը ազգային երգ ու պարով, ծիսական գովքով և բարեմաղթանքներով ։
Սաները, ծաղիկները` ձեռքերին, ծաղկեպսակը` գլխին, գալիս են ու շրջանաձև նստում բացօթյա կանաչ տարածքում: Նրանցից մեկի ձեռքին «Ծաղկամայրն» է, մյուսի ձեռքին` վիճակի սափորը (նախօրոք յուրաքանչյուր երեխա որևէ իր կամ խաղալիք է դնում դրա մեջ), երրորդը՝ «Հարսիկն» է: Նրանք երեքով նստում են մեջտեղում: Ծղոտից զամբյուղը` մրգերով ու այլ հյուրասիրություններով, դրվում է «Ծաղկամոր» տիկնիկը բռնած երեխայի մոտ: Երգում են «Վիճակի երգը»: «Հարսիկը» վիճակի սափորից հանում է որևէ իր: «Ծաղկամոր» տիկնիկը բռնած երեխան ծղոտե զամբյուղից որևէ միրգ կամ քաղցրավենիք վերցնելով, տալիս է այդ իրը դրած երեխային: Եթե երգի ընթացքում բոլորը չեն հասցնում հանել վիճակ, նորից են երգում ու շարունակում վիճակ հանելու արարողությունը: Բոլորին վիճակ հանելուց հետո, կանգնում են շրջանաձև և պարում ազգային պար։
Ծիսական երգերի շարք՝
Ազգային խաղեր`
- Գոմշակռիվ
- Պարան քաշոցի
- Ուժային խաղեր
Փոքրիկ հյուրասիրություն
