Անհրաժեշտ պարագաներ ՝ Աթոռներ,ներքնակներ,ջուր,ջրի տարա,բաժակ :
Խաղի ընթացք ՝ Երեխաներին բաժանում ենք երկու խմբի : Ամեն խմբի դիմաց շարում ենք աթոռներ և մեկ ներքնակ : Վերջնակետում դնում ենք ջրի տարա ՝ ջրով լցված,և բաժակ : Երեխաները հերթով շրջանցում են աթոռները,գլուխկոնծի տալիս ներքնակի վրայով,վերցնում բաժակը,այն լցնում ջրով և փորձում են առանց ջուրը թափելու հասցնել սկզբնակետ : Էստաֆետը փոխանցելով ՝ խաղը նույն կերպ շարունակում է հաջորդ մասնակցիը :
Նախագծի նպատակ ՝ Հետևել երեխաների ֆիզիկական ակտիվությանը , նպաստել խոչընդոտների արագ հաղթահարմանը:
Խնդիր ՝ Զարգացնել երեխայի մոտ ճարպկությունը , արագությունը,մարմնի շարժունակությունը :
Անհրաժեշտ պարագաներ ՝ Աթոռներ,նստարաններ և ներքնակներ :
Նախագծի տևողություն ՝ 15-20 րոպե
Մասնակիցների քանակ ՝ 15-20 երեխա
Խաղի ընթացք ՝ Երեխաներին կանգնեցնում ենք երկու խմբով : Նրանց առջև իրար հաջորդելով դնում ենք նստարան,աթոռներ և վերջում ներքնակ : Երեխաները սողալով անցնում են նստարանը,շրջում և գցում հատակին աթոռները,ներքնակի վրա գլուխկոնծի տալիս : Ետ վերադարձի ճանապարհին ուղղում են աթոռները,էստաֆետան փոխանցում հաջորդ մասնակցին և կանգնում վերջում :
Արդյունք ՝
Վերլուծություն ՝ Խաղը անցավ շատ ակտիվ : Երեխաները ոգևորում էին իրենց ընկերներին : Խաղը որոշեցինք սկսել տարիքային մի փոքր ավելի մեծ խմբից,որպեսզի և հասկանային խաղի կանոնները ավելի հստակ տեսնելուց հետո,և ոգևորվեին,ցանկություն լիներ խաղալու,և մի փոքր էլ հաղթահարեինք այն վախը,որը միգուցե առաջացել էր նրանցից մի քանիսի մոտ : Կարող էին վախենալ նստարանի բարձրությունից,որի վրայով նրանք պետք է քայլեին ,և այլևս ցանկություն չլիներ խաղալու:Կարող էին վախենալ սողալու ընթացքում սխալ ուղղությամբ տեղաշարժվելուց և ընկնելուց : Այդ իսկ պատճառով,ինչպես երևում է տեսանյությում ՝ խաղի ընթացքում չենք հեռանում երեխաների կողքից : Դրանով ապահովում ենք նրանց անվտանգությունը և միևնույն ժամանակ փորձում ենք նրանց մեջ վստահություն ներշնչել ու հաղթահարել վախի զգացումը : Մեծահասակները հեշտությամբ կատարեցին իրենց առջև դրված առաջադրանքը : Խաղի երկրորդ կեսին մի փոքր բարդացրեցինք առաջադրանքը մեծերի համար ՝ ավելացրեցինք աթոռներ,որը նրանք պետք է շրջեին հատակին,իսկ հաճորդ խաղացողը ուղղեր դրանք : Նրանց համար դա նույնպես դժվարություն չառաջացրեց : Ճշտությամբ կատարեցին իրենց առջև դրված ՝առաջադրանքը : Ինչպես նշեցին խաղը ավարտելուց հետո ՝ հեշտ էր և հետաքրքիր : Փոքրերի դեպքում հետաքրքությունը մի փոքր մեծացավ,ստացվեց նաև ծիծաղաշատ : Անցնում էին փորձությունը ձեռքս պինդ բռնելով : Սողալու ընթացքում մի քանիսը հեշտությամբ անցան,մի քանիսը որոշեցին որ ավելի ճիշտ կլինի անցնել նստարանների վրայով <<չոչ անելով >> : Գլուխկոնծիները ստացվեցին ոչ բոլորի մոտ ` մի քանիսին օգնեցինք,մի քանիսը կատարեցին ինչպես կարողացան,իսկ մյուս մասը նորից հետևեցին իրենց երևակայությանը և որոշեցին ուղակի գլորվել ներքնակների վրայով : Մի խոսքով ՝ ստացվեց շատ հաճելի,ճկունությունը,երևակայությունը և ուշադրությունը զարգացնող խաղ :
Նախագծի նպատակ ՝ Զարգացնել տարածության մեջ արագ կողմնորոշումը,թիմային համատեղ աշխատանքի հմտությունները ,ուշադրության կենտրոնացումը :
Խնդիրներ ՝ Կարողանալ ճշգրիտ ուշադրությամբ մասնակցել խաղին ՝ կողմնորոշվելով տարածության մեջ ։
Նախագծի տևողություն ՝ 15-20 րոպե
Մասնակիցների քանակ ՝ 15 երեխա
Խաղի ընթացք ՝ Խաղը խաղում են երկու թիմով : Ամեն թիմի դիմաց կանգնում է երկու երեխա ՝ բռնելով օղակները : Մասնակից երեխաներից առաջինը գնդակը ձեռքերի մեջ բռնած անցնում է օղակների միջով ՝ սկզբում աջ կողմից,հետո ձախ,իսկ հետո նորից աջ ՝ փորձելով գնդակը չգցել հատակին : Վազելով մոտենում է շարքին,գնդակը փոխանցում հաջորդ մասնակցին և կանգնում շարքի վերջում : Այդպես խաղում են բոլորը : մրցակցելով հակառակորդ թիմի հետ :
Արդյունք ՝
Վերլուծություն ՝ Մարզական խաղերը ոչ միայն զվարճալի, ակտիվ ժամանց են ապահովում ,այլ նաև նպաստում են երեխաների ֆիզիկական զարգացմանը : Մարզական խաղի անցկացումը մաքուր օդին էլ ավելի արդյունավետ է երեխայի մտավոր և ֆիզիկական զարգացման համար : Այդ իսկ պատճառով մարզական խաղերը դարձել են երեխաների օրվա անբաժանելի մասը : Դե իսկ նրանք խաղերին մասնակցում են շատ ակտիվ և ոգևորված :
Մասնակիցները բաժանվում են զույգերի՝ մեջքով կանգնելով միմյանց և արմունկներով հենվելով : Անհրաժեշտ է վազել դեպի նշված սահմանագիծը,զգուշորեն շրջանցել տարբեր տեղերում դասավորված աթոռները և հետ վերադառնալ :
Տարբերակ 2
Մասնակիցները նորից բաժանվում են զույգերի,ամեն զույգին տրվում է մեկ օղակ:Նրանք պետք է կարողանան օղակը առանց ձեռքերի օգնության իրենց մեջտեղում պահելով սկզբնակետից հասցնեն պահանջվող վերջնակետին ՝ չգցելով հատակին :
Նախագծի նպատակ ՝ հետևել սաների ֆիզիկական ակտիվությանը, նպաստել սաների շուտ արձագանքելուն, ինչպես նաև շուտ կողմնորոշվելուն
Խնդիր ՝ Զարգացնել ֆիզիկական ակտիվությունը, շարժողականությունը, ուշադրությունը, ունակությունը։
Անհրաժեշտ պարագաներ ՝ Աթոռներ կամ միջին չափի խորանարդեր :
Խաղի ընթացք ՝ Հավ մայրիկը նստում է խոտերի մեջ իր ճուտիկների հետ և զատկական ասիկներ են ասում։ Իսկ այդ ընթացքում կատուն թաքնված է լինում իր տնակում։ Երբ հնչում է երաժշտությունը ճուտիկները դուրս են գալիս խաղալու, հենց երաժշտությունը դադարում է ճուտտիկները պետք է հասցնեն վազել հավ մայրիկի մոտ, որ կատուն հանկարծ չբռնի։ Նա,ում կբռնի կատուն ՝ կտանի իր տուն ։
Վերլուծություն ՝ Նախագիծը իրականացավ բավականին հագեցած,քանի որ,ինչպես գիտենք ՝ երեխաները սիրում են անկանոն վազվել : Նրանց ոգևորությունը էլ ավելի մեծացավ,երբ լսեցին երաժշտություն : Իսկ հավ մայրիկի մոտ վերադառնալը երաժշտության ավարտվելուց հետո մեծ հնարավորություն է նրանց համար մի փոքր հանգստանալու : Երեխաները չհասցրեցին ձանձրանալ նաև նստած ժամանակ,քանի որ նրանք շատ լավ տիրապետում էին զատկական ասիկներին :
Նախագծի նպատակ ՝ զարգացնել մանր մոտորիկան,տեսողական հիշողությունը,վերհիշել գույները :
Խնդիր ՝ Խաղ-գլուխկոտրուկի միջոցով
Անհրաժեշտ պարագաներ ՝ ստվարաթուղթ,գունավոր շրջաններ :
Մասնակիցների քանակ ՝ 4-5 երեխա
Նախագծի տևողություն ՝ 10-15 րոպե
Խաղի ընթացք ՝ Ստվարաթղթե քառակուսու վրա նկարում ենք տարբեր գույների շրջաններ ՝ այնքան,որքան կտեղավորվի : Պատրաստում ենք նույն քանակությամբ շրջաններ և ամրացնում փոքր ուղղանկյունների վրա ՝ մեկ փոքր ուղղանկյան վրա երկու շրջան : Հետո հավաքում ենք ճիշտ հերթականությունը ՝ ստվարաթղթե քառակուսու վրա նկարված շրջանների վրա դնելով ուղղանկյունների վրա գտնվող շրջանները ՝ համապատասխանեցնելով ճիշտ գույները միմյանց հետ :
Իրականացման վայրեր՝ կրթահամալիր, ընտանեկան դպրոցներ, այգիներ, բակեր, պուրակներ, այլուր։
Նախագծի նպատակները՝ մարզական խաղերի ու մարզաձևերի ներկայացում, խմբերի, ջոկատների մրցումներ, մարմնամարզական ստուգատես, էստաֆետային խաղեր։
Նախագծի խնդիրները՝
ինքնուրույնության, ինքնարտահայտման հմտություննների և կարողությունների ձևավորում, զարգացում,
առողջ ապրելակերպին ուղղված հմտությունների ձեռքբերում, զարգացում,
ուշադրության կենտրոնացում, արագ կողմնորոշվելու ունակություն,
շարժումների և մտքի ճկունությունն ուղղորդելու հմտությունների զարգացում,
միմյանց զիջելու կարողության զարգացում,
թիմով ընդհանուր խաղեր խաղալու կարողությունների զարգացում։
Նախագիծն իրականացնող ՝ Թերեզա Դավթյան և ընկերներ
Նախագծի մասնակիցների քանակ ՝ 15-20սան
Նախագծի տևողություն ՝ 25-30 րոպե
Անհրաժեշտ պարագաներ ՝ օղակ,գնդակ,պարան:
Խաղ 1 (ընթացք ) ՝
Խաղի սկզբում օղակները շարում ենք 2 կամ 3 շարքով ՝ հորիզոնական դասավորությամբ (4-5 հատ),իսկ շարքի վերջում դնում արգելակ : Խաղի մասնակիցները կանգնում են շարքերի սկզբում և հերթով վերցնելով մեկական օղակ,թռնում են մնացածի միջով,դնում արգելակի վրա,վերադառնում ՝ մյուսի հետևից ՝ այնքան,մինչև կվերջանան օղակները ։
Արդյունք (Խաղ 1 ) ՝
Խաղ 2 (ընթացք ) ՝
Երեխաները երկու շարքով պարկում են գորգի վրա : Ամեն շարքի սկզբում և վերջում դնում ենք մեկական օղակ : Օղակներից մեկի մեջ լցնում ենք գնդակներ և երեխաները պարկած դիրքից վեր չկենալով, իրար փոխանցելով գնդակները հասցնում են շարքի մյուս ծայրում գնտվող օղակի մեջ :
Արդյունք ( խաղ 2 ) ՝
Խաղ 3 ( ընթացք ) ՝
Երկու երեխա կանգնում են դեմ դիմաց ՝ պարանը ամուր բռնելով:Նրանցից մեկի ոտքերին անցկացնում ենք օղակներ:Երրորդ մասնակիցը օղակները հերթով հանելով ընկերոջ վրայից,պարանի վրայով անցկացնելով հասցնում է մինչև մյուս մասնակիցը և գցում նրա ոտքերի վրա :Այդպես այնքան,մինչև կտեղափոխի բոլոր օղակները :
Արդյունք (խաղ 3) ՝
Վերլուծություն ՝
Այս անգամ գործունեությունն իրականցրեցինք ավագ 5 տարեկանների խմբում,որպեսզի հասկանանք տարիքային ֆիզիկական զարգացման այն տարբերությունները,որոնք ակընհայտ են,և որոնք ոչ այդքան : Նախակրթարանի ավագ խմբի հետ մարզական խաղի գործունեություն իրականցնելն ստացվում է ավելի հեշտ և արագ,քան կրտսեր խմբում,քանի որ կրտսեր խմբի երեխաների ֆիզիկական կարողությունները այնքան զարգացած չեն,որքան ավագ խմբի երեխաներինը : Ավագ խմբի երեխաները ավելի ճկուն են,ավելի ուշադիր և պատրաստակամ : Կրտսեր խմբի երեխաների մոտ նկատվում է մարզախաղի խոչընդոտների հաղթահարման ընթացքում ավելի շատ դժվարություններ,որը ակընհայտ չի երևում ավագ խմբում : Փոքրերը ունեն վախեր : Հիմնականում այն առաջ է գալիս այն ժամանակ,երբ հերթը հասնում է բարձունքի հաղթահարմանը : Փոքրերի հետ աշխատելու հետաքրքությունը մեծ է ,քանի որ նրանց օգնելու ընթացքում մենք ինքներս շատ անգամ ընդգրկվում ենք նրանց հետ հավասար խաղի մեջ,և նաև հաճելի է տեսնել այդ փոքրիկների քիչ,բայց ակընհայտ առաջխաղացումները ֆիզիկական ակտիվության մեջ :
Նախագծի նպատակ ՝ Հետևել երեխաների թիմային աշխատանքին ,եստաֆետի խոչընդոտների ճիշտ հաղթահարմանը:
Խնդիր ՝ Զարգացնել թիմային համատեղ աշխատանքի հմտությունները,երեխայի պատասխանատվությունը։ Սովորեցնել արագ իրագործել տրված խնդիրը ՝ ինչպես առանձին,այնպես էլ ընկերների հետ միասին։
Խաղի ընթացք ՝ Երկու թիմերին կանգնեցնում ենք մեկնարկի գծի մոտ: Յուրաքանչյուր թիմի դիմաց դրվում են ուղղահայաց դիրքով 5 օղակներ: Հրահանգից հետո առաջին կանգնած խաղացողները վազքով անցնելով բոլոր օղակների միջով, շրջանցում են կանգնակը, վերադառնում նույն ձևով էստաֆետան տալիս հաջորդ խաղացողին: Եվ այսպես հաջորդաբար մինչև վերջ:
Մասնակիցների քանակ ՝ 15-20 հոգի
Նախագծի կատարմանԺամանակահատված ՝ 25-30 րոպե
Անհրաժեշտպարագաներ ՝ Օղակներ
Արդյունք ՝
Վերլուծություն ՝
Ինչպես նախապես որոշված էր նախագծով ՝ երեխաները պետք է շրջանցեյին օղակները և վերադառնային իրենց տեղերը : Նրանք հեշտությամբ կատարեցին իրենց առջև դրված խնդիրը ,և մենք որոշեցինք հետաքրքրացնել և մի փոքր էլ բարդացնել գործընթացը (կարող եք տեսնել երկրորդ տեսանյությում,թե ինչ կատարվեց ) : Երեխաների մի մասը , ովքեր տարիքով ավելի մեծ էին և ֆիզիկապես ավելի կոփված,հեշտությամբ անցան փորձությունը:Փոքրերը,նույնպես կարողացան անցնել փորձությունը,սակայն նրանք դա արեցին այնպես,ինչպես թելադրեց իրենց երևակայությունը: Կարող ենք ասել ՝ նախագիծը հաջողված էր :
Նպատակ ՝ Զարգացնել թիմի մեջ ընդգրկվելու և աշխատելու կարողությունը,արագ կողմնորոշումը :
Խնդիր ՝
Ընթացք ՝ Խաղացողները բաժանվում են 2 հավասար թիմերի, շարվում են մեկնարկային գծից միասյուն: Հրահանգից հետո թիմերի առաջին մասնակիցները գնդակը վազքով տանում են, դնում 5-6 մետր հեռու գտնվող օղակի մեջ, վերադառնում և ձեռքի հպումով մեկնարկ են տալիս երկրորդ մասնակիցներին, որոնք վազքով գնում և բերում են գնդակը: Այսպես՝ մեկը տանելով, մյուսը բերելով, խաղում են, մինչև բոլոր մասնակիցները մասնակցեն խաղին:
Նպատակ ՝ Խաղի նպատակն է զարգացնել կենտրոնացումը,տեսողական ընկալումը,մանր մոտորիկան :
Խնդիր ՝ Երեխաների հետ տարբերակել գույները,կոորդինացված աշխատել երկրաչափական պատկերի հետ,կրկնօրինակել գունային հերթականությունը ,օգտվել աղյուսակային պատկերից :
Անհրաժեշտ պարագաներ ՝ Խաղը պատրաստելու համար.ստվարաթուղթ,գուաշներ,գունավոր շրջաններ :
Ժամանակահատված ՝ 15 րոպե
Մասնակիցներիքանակ ՝ 3 հոգի
Ընթացքը ՝
Խաղը ունի հետևյալ տեսքը
Ուղղահայաց գծի վրա գտնվող շրջանագծերի վրա տեղադրում ենք նախապես պատրաստված գունավոր շրջանները ՝ խառը դասավորվածությամբ : Հետո երեխային խնդրում ենք ուշադիր նայելուց հետո ճիշտ գունային հերթականությամբ դասավորի շրջանները ՝ պատկերի ներքևի մասում գտնվող օվալի մեջ :
Խաղը անցավ հետաքրքիր : Երեխաները հետաքրքրությամբ խաղացին,սակայն նրանց համար այն մի փոքր բարդ էր ՝ ինչը ես չէի նախատեսել : Նրանք շատ լավ ճանաչում են գույները:Նրանցից երկուսը դժվարությամբ էին հավաքում ճիշտ հերթականությունը:Կարծում եմ ուղղակի մի փոքր դժվար էր կենտրոնացնել ուշադրությունը,բայց մեկը մյուսին հուշելով,օգնելով հասանք մեր առջև դրված նպատակին : Վերջում իրենք առաջարկեցին խաղի մեկ այլ տարբերակ ՝ չինգանչունգ անել և ով կհաղթի ամեն անգամ ՝ նա էլ կդնի իր ուզած գույնի շրջան,ով ավելի շատ կդնի ՝ նա էլ կհաղթի : Դե վերջում իհարկե հաղթեցինք բոլորս :
