Երեխաները պետք է իմանան,որ առարկաների քանակը կարելի է իմանալ ոչ միայն հաշվելով դրանք,այլև նայելով թվանշանին :
Թիվ մեկ
Երեխաների հետ կարելի է մտնել հետաքրքիր զրույցի մեջ և փոքրիկ առաջադրանքներ տալ ՝ <Որտեղ ես հաճախ հանդիպում մեկ թվանշանը,օրինակ մեքենաների համարանիշներին թե խանութում,կամ վերելակի վրա> : <Իսկ քո քանի մատն է համապատասխանոգմ մեկ թվին,ցույց տուր տեսնեմ > : <Սեղանին դրված են նապաստակներ ,շնիկներ,բադիկներ,կատուներ : Տուր ինձ այն խաղալիքը,որից մեկ հատ է> :
Պետք է ուշադրություն դարձնել նաև,որ երեխան խոսքի մեջ ճիշտ օգտագործի թվերի անունները :
Թիվ երկու
Նախադպրոցական ավագ խմբին կարելի է հարցնել ՝ <Որն է շաբաթվա երկրորդ օրը,որն է տարվա երկրորդ ամիսը,իսկ որն է քո անվան երկրորդ տառը > : Փոքրերին կարելի է հարցնել ՝ <Քանի ականջ ունի մկնիկը ,կատուն,իսկ արջը > :
Ամեն անգամ հաջորդ թիվը ուսուցանելիս կարևոր է երեխային հասկացնել բնական շարքի հիմնական սկզբունքը,ըստ որի յուրաքանչյուր հաջորդ թիվ մեկով մեծ է նախորդ թվից : Ամեն թվի հետ կապված անհրաժեշտ է մի քանի պարապմունք անցկացնել : Շատ կարևոր է,որ երեխաները ամեն թիվ կապեն ինչ-որ հետաքրքիր և վառ պատկերների հետ,այդպես ավելի լավ կմտապահեն թվերը :
Եթե երեխայի հետաքրքրությունը կորել է պարապմունքի ընթացքում,անհրաժեշտ է դադար տալ,քանի որ երեխայի ուղադրությունը երկար հնարավոր չէ կենտրոնացած պահել մեկ գործընթացի կամ գործողության վրա : Ցանկալի է,որ առօրյայում նույնպես շատ կիրառվեն թվերը,քանակը : Օրինակ կարելի է երեխային ասել ՝ <Մինչև ես կվերջացնեմ պատրաստել,դու հաշվիր քանի մարդ պետք է նստի ճաշելու ՝ այդքան ափսե դիր սեղանին > :
Ուսուցման հիմնական ձևը խաղն է ,քանի որ այն երեխաների բնական վիճակն է : Երեխաներին պետք է հնարավորություն տալ նյութը ընկալել անհատական զարգացման արագությամբ և միարժամանակ կարևոր է ստեղծել այն ուսուցման վայրը և հարմարությունները,որին ձգտում է նա : Վերլուծելով երեխայի կատարած աշխատանքը ՝ կարել է որոշել ունակությունների մակարդակը և պարզեցնելով կամ բարդեցնելով նյութը սկսենք աշխատել նրա թույլ և ուժեղ կողմերի հետ :
Թիվ երեք
Երեք թվի հետ կապված կարող ենք տալ տարբեր հարցեր և առաջարկել տարբեր առաջադրանքներ ,ինչպիսիք են ՝ <Նկարում ժամը քանիսն է ,որն է անվանդ երրորդ տառը,որն է շաբաթվա երրորդ օրը ,հաշվիր մինչև երեքը և անվանիր երեք կենդանու անուն > :
Շատ ժամանակ առաջանում են տարբեր խնդիրներ ,օրինակ երեխան ցանկություն չունի հիշել թվանշանները և չի հետաքրքրվում դրանցով : Կարելի է նրա ուշադրությունը հրավիրել բնակարանի համարին,տատիկի հեռախոսին կամ հեռուստաալիքի կոճակին : Որպեսզի երեխաներին հետաքրքրեն առաջադրանքները,պետք է օգտագործել բազմատեսակ հաշվենյութ և հաճախակի փոփոխել դրանք :
Թիվ չորս
Շարունակում ենք երեխաներին հարցեր տալ ՝ տարբեր տեսակի և նաև միանման : Օրինակ ՝ <Որն է շաբաթվա չորրորդ օրը,իսկ որն է անվանդ չորրորդ տառը,քանի մատիկ եմ ես ցույց տալիս,կրկնիր իմ հետևից (չորս),անվանիր չորս կենդանու անուն > :
Կարևոր է,որ երեխաին բացատրենք ՝ թիվը կազմված է իրենից ավելի փոքր մի քանի թվի կազմությունից : Օրինակ ՝ չորսը դա երեքն է և էլի մեկը կամ երկու հատ երկուսն է :
Թիվ հինգ
Դե իհարկե այս թվանշանի հետ կապված հարցերը բաց թողել պետք չէ ՝ <Ցույց տուր ինձ այնքան մատիկ,որքան ես եմ ցույց տալիս ,քանիսն են դրանք : Որն է շաբաթվա հինգերորդ օրը : Որն է տարվա հինգերորդ ամիսը : Անվանիր հինգ առարկա որոնք քեզանից բարձր են,իսկ հետո անվանիր ցածրերը : >
Յուրաքանչյուր անգամ կարևոր է փոխել խաղանյութը ,այն կօգնի ավելի լավ ընկալել թվի ստացումը : Պետք է սովորեցնել,որ կարելի է հաշվել սկսել ցանկացած ուղղությամբ և ցանկացած առարկայից :
Մաթեմատիկական առաջադրանքները պահանջում են խաղային շարժառիթների կիրառում:Իսկ դիդակտիկ խաղերը նպաստում են ոչ միայն երեխաների գիտելիքների յուրացմանը, այլև իմացական հետաքրքրությունների, հաղորդակցման ունակությունների ընդհանուր զարգացմանը:
