Ես ընտրել եմ նախադպրոցական կրթություն բաժինը,քան որ չափից դուրս շատ եմ սիրում երեխաներին և նրանց հետ անցկացրած իմ ժամանակը ամենահետաքրքիրն է։Ամեն օր էլ՛ ավելի եմ համոզվում, որ դա իմ ամենաճիշտ որոշումն էր։Շաբաթվա ընթացքում շատ եմ լինում մեր քոլեջի նախակրթարանում,արդեն կան շատ երեխաներ,ովքեր ընտելացել են ինձ,իսկ ես իրենց։Շատ եմ սիրում բոլորին էլ։Հետաքրքիր է աշխատանքը նաև դաստիարակների հետ։Բոլորը շատ ընկերական են,անմիջական։Կարող եմ միքիչ չափազանցեցնել,և ասել,որ իմ լավ ընկերներն են թե դաստիարակները,թե երեխաները։Մի քանի օր առաջ երեխաներին իջացրեցինք մայր դպրոց,որպեսզի ճանապարհենք իրենց երթուղաիններով,և այդ ժամանակ երևի թե ամենաշատը գիտակցեցի,որ այս մասնագիտությունը խաղ ու պար չէ,այլ շատ լուրջ պատասխանատվություն,որը գիտակցել ու հասկանալ է պետք։
Բայց էստեղ կան մանրուքներ,որոնք չափից շատ են ուրախացնում։Օրերից մի օր,երբ նորից գնացի նախակրթարան,խմբի երեխաներից մեկը գոռաց ուռաաա ընկեր Թերեզան նորից մեր մոտ եկավ,ու բոլորով սկսեցին ծափահարել ինձ։Չգիտեմ,անկեղծ չգիտեմ ինչպես արտահայտեմ էն,ինչ զգացի էտ պահին,բայց դա ինձ համար մեծ ուրախություն էր։Ժպտում եմ մինչև հիմա ամեն անգամ,երբ հիշում եմ էտ դրվագը։Սիրում եմ իրենց բոլորին շատ։Երեխաներ կան,ում վերաբերվում եմ մի փոքր այլ կերպ,միքիչ ավելի շատ եմ սիրում գուցե,բայց աշխատում եմ ոչ մի հարցում տարբերություն չդնել,եթե գովեմ ՝
բոլորին միասին,եթե ջղայնանամ վատ արարքի համար,էլի բոլորի վրա։Կարծում եմ մանկավարժների ամենամեծ գիտակցելու փաստերից մեկը հենց դա է,որ երեխաներին վերին ու ներքին խավերի դասել պետք չէ,տարբերություն դնել կամ առանձնացնել պետք չէ,բոլորին էլ պետք է վերաբերվել հարազատի պես։
07.09.2021
Հիմա արդեն սովորում եմ երկրորդ կուրսում։Ուսումնական տարին դեռ նոր է սկսվել,բայց արդեն շատ բաներ եմ ընկալել ու իմացել,որոնց մասին տեղեկացված չէի լինի,եթե չընտրեի նախադպրոցական կրթություն բաժինը։Հետագայում ունեմ շատ անելիքներ մտածված,բայց քանի որ այն դեռ իրականություն չեմ դարձրել,կպատմեմ դրա մասին այն ժամանակ երբ ամեն ինչ կատարված կլինի,քանի որ,ավելի լավ է մեկ անգամ գործել,քան հազար անգամ ասել,որ կգործես))
23.12.2021
Ուսումնական տարվա սկզբին նպատակս էր աշխատանքի անցնել մեր քոլեջի նախակրթարանում։Նպատակս իրագործվեց։Հիմա ես աշխատում եմ այնտեղ,դեռևս ժամանակավոր,բայց հույս ունեմ որ կարդարացնեմ ինձ,և կդառնամ մեր նախակրթարանի ընտանիքի հիմնական անդամներից մեկը։Այս աշխատանքի համար առաջին հերթին շնորհակալ եմ ընկեր Տաթևին,քանի որ նա տվեց ինձ այս հնարավորությունը ՝ փորձել ինձ այն ոլորտում,որը ինձ հոգեհարազատ է դեռ շա՜տ մանկուց։և իսկապես,ես հասկացա,որ երեխաների հետ անընդհատ աշխատանքը,դա իմն է,դա այն վայրն էր,որտեղ ինձ կորցրել էի ու գտա։Հիմա արդեն չեմ սիրում շաբաթ կիրակին,քանի որ այդ ընթացքում հասցնում եմ կարոտել մեր քոլեջիկների այն մասին,ում հետ աշխատում եմ ու ժամանակ անցկացնում։Օրվա ընթացքում կատարում ենք հետաքրքիր նախագծեր,տարբեր փորձարկումներ և շատ հագեցած ենք անցկացնում ժամանակը։Դեկտեմբերի ընթացքում երեխաների հետ խոսել ենք սառույցի մասին,ուսումնասիրել ենք այն,պատրաստել ենք ամանորյա թխվածքաբլիթներ,գրեթե ամեն օր ինքնագլորներով երթ ենք կազմակերպում ՝ նրանց ամենասիրելի զբաղմունքը։Պատրաստել ենք նաև միասին 《ծիտը》 հեքիաթի հերոսներին ՝ տոնածառի խաղալիքների և կրծքազարդերի տեսքով,միասին թխել ենք կոպեկով գաթա։Արդեն սովորել եմ,թե ինչ մոտեցում է պետք ցույց տալ երեխաներին,և որ ամենակարևորն է,անգիր գիտեմ մեր օրակարգը ՝ որ ժամին ինչ աշխատանք ունենք կատարելու։Մի խոսքով,ամեն ինչ կատարյալ է,ես ինձ երջանիկ եմ զգում իմ առաջին մասնագիտության մեջ։Կարող է միքիչ ծիծաղալի թվալ,բայց ես ուրախ եմ ու հպարտ ինքս ինձանով,որ կարողացա ձեռք բերել այս աշխատանքը,քանի որ հիմա արդեն օրս շատ ավելի հագեցած է անցնում,ազատ ժամանակս շատ քիչ է,և եթե նույնիսկ այն կա,ես անց եմ կացնում օգտակար։Շատ ժամանակ փորձում եմ հետաքրքիր խաղեր ու նախագծեր գտնել,մտածել,որոնք կարելի է իրականացնել երեխաների հետ,մտածում եմ ինչպես զվարճացնել նրանց,և ինչպես ավելի ճիշտ մոտեցում ցույց տալ նրանց։Մի խոսքով,տարին ավարտում եմ շատ հագեցած ամեն֊ամեն ինչով։